البرمجيات الخبيثة.. أهدافها وقدراتها
مصطلح Malware اختصار ل Malicious Software, وهو عبارة عن برنامج ضار بيدخل السيستم بدون إذن أو علم من المستخدم، ممكن يأثر على Data أو Applications أو Operating System بهدف الإخلال بأُسس أمن الملعومات التلاتة (CIA)، أو إزعاج الضحية.
1-Compromising the CIA:
Confidentiality:
السرية، لان المفترض الملفات على جهاز المستخدم محدش بيشوفها بدون إذنه
Integrity:
السلامة، ممكن يأثر على بيانات المستخدم بإنه يمسح ملفات أو يعدل محتواها
Availability:
التوافر، ممكن يمنع المستخدم من الوصول لبياناته بإنه يشفرها أو يمسح أبلكيشن معين عشان يسببله ضرر
2-Annoying the victim:
إزعاج المستخدم أو تعطيله عن شغله، ممكن باستخدام صور مرعبة أو أصوات ورسايل غريبة في الجهاز
قدرات البرمجيات الخبيثة:
1-الإنتشار: بيعمل نسخ كتيرة من نفسه على نفس الجهاز أو عن طريق Network او USB
2-الوصول غير المصرح به: بيوصل لجهاز وملفات المستخدم بدون موافقته عشان يعمل أكشن ع الجهاز زي انه يبعت ايميل أو يفتح مواقع معينة أو يستخدم الجهاز في مهاجمة أجهزة تانية
3-التخريب: بيمسح ويخرب الملفات المهمة ويبوظها
4-سرقة المعلومات: يقدر يسرق معلومات زي الحسابات والكريدت كارد وكلمات المرور
5-الإستغلال: يقدر يستغل ثغرات في السيستم بحيث يتحكم فيه بالكامل أو يثبت وجوده أكتر
